ANS Press

ANS Press

Feb 21, 2024 - 10:43 Yeniləndi: Feb 21, 2024 - 10:52

XƏBƏRLƏR / Siyasət

Pərviz Şahbazov ABŞ Administrasiyası ilə görüşlər keçirir

Azərbaycanın energetika naziri ABŞ-da səfərdədir

Pərviz Şahbazov ABŞ Administrasiyası ilə görüşlər keçirir

  • Oxuma müddəti:

    1 dəqiqə

    • Azərbaycanın energetika naziri Pərviz Şahbazov “X” sosial şəbəkəsində Vaşinqtonda keçirdiyi görüşlər haqda yazır:

    “Ağ Evdə ABŞ Prezidentinin xüsusi məsələlər üzrə köməkçisi, Milli Təhlükəsizlik Şurasının iqlim və enerji üzrə baş direktoru Sarah Ladislav ilə görüşdə CQD-nin inkişafı, Avropaya qaz tədarükünün artırılması, Yaşıl Enerji ixracı, metan emissiyalarının azaldılmasını müzakirə etdik".

    ***

    Daha sonra Şahbazov Vaşinqtonda ABŞ Enerji Departamentinin katibi Cennifer Qranholm ilə müasir çağırışlara uyğun ikitərəfli enerji əməkdaşlığı gündəliyi müzakirə edib. Azərbaycan -ABŞ enerji tərəfdaşlığı Yaşıl Enerji dəhlizlərinin inkişafı müstəvisində dəyərləndirilib.

    ***

    Nazir o cümlədən ABŞ Dövlət katibinin enerji ehtiyatları üzrə köməkçisi Cefri Pyatt ilə görüsdə Cənub Qaz Dəhlizinin genişləndirilməsinə ABŞ-nin dəstəyi üzrə əməkdaşlıq etmək barədə razılığa gəlib. Ənənəvi enerji tərəfdaşlığını yeni mərhələdə inkişaf etdirmək üçün imkanları nəzərdən keçirib.