Putin Kazanda Türkiyənin xarici işlər naziri Fidanla görüşüb

Bu barədə Rusiya Prezidentinin mətbuat xidməti xəbər yayıb

Oxuma müddəti:

1 dəqiqə

Rusiya Prezidenti Vladimir Putin Kazanda keçirilən Rusiya-ASEAN Zirvə Görüşü çərçivəsində Türkiyənin xarici işlər naziri Hakan Fidan ilə görüşüb - kremlin.ru.

"Ölkələrimiz arasında münasibətlər sürətlə inkişaf edir və biz bundan çox məmnunuq", - deyə prezident bildirib.
O, iki ölkə arasında qarşılıqlı əlaqənin dostcasına olduğunu və yeni məna qazandığını qeyd edib.
Putin həmçinin Prezident Rəcəb Tayyib Ərdoğana ən xoş arzularını və səmimi salamlarını çatdırıb. O, əlavə edib ki, Türkiyə lideri Rusiyada həmişə xoş qarşılanır.
Görüşdə Rusiya xarici işlər naziri Sergey Lavrov və Prezidentin köməkçisi Yuri Uşakov iştirak ediblər.

Cavab nitqində Fidan prezident Ərdoğanın salamını çatdırıb.

"Regionumuzda və dünyada çox gərgin beynəlxalq gündəm var və bu baxımdan sizin təcrübəniz əvəzsizdir. Müzakirə etməli olduğumuz bir çox məsələ var" - Türkiyə XİN rəhbəri qeyd edib.