ANSTV
ANSÇM
Qazaxıstan XİN rəhbərinin həbsi barədə ziddiyyətli xəbərlər
Dövlət qurumları məlumatı təkzib etsələr də, “Orda” nəşri xəbərin dürüst olmasında israr edir
1 dəqiqə
“Orda” Qazaxıstan Xarici İşlər Nazirliyinin rəhbərinin saxlanmasında israr etməkdə davam edir və yeni təfərrüatlar verir.
Qazaxıstan hakimiyyətinin ölkənin xarici işlər naziri Murat Nurtleunun saxlanması barədə məlumatı təkzib etməsinə və saxta məlumatların yayılmasına görə cinayət məsuliyyəti barədə xəbərdarlıqlara baxmayaraq, Orda.kz nəşri öz məlumatlarının doğruluğunda israr etməkdə davam edir.
“...Bizdə dəqiq məlumat var: Nurtleu və iş adamı Hacı Hacıyevlə yanaşı, Milli Təhlükəsizlik Komitəsinin bir neçə yüksək rütbəli əməkdaşı da saxlanılıb.Bu, xarici kəşfiyyat xidmətinin keçmiş direktoru Asxat Amerxanov, DTX-nin hazırkı sədr müavinlərindən biri, həmçinin tanınmış Altay Cakanbayev və Meyram Karatayevdir.
Jakanbayev və Karatayevin adları Kiyevdə müxalifətçi jurnalist Aidos Sadıkovun qətlindən sonra məlum olub. Buradan belə qənaətə gəlmək olar ki, həbslər Sadıkovun ölümü ilə, həmçinin ehtimal ki, "KNB"-nin (Milli Təhlükəsizlik Komitəsi. Komitə də məlumatı təkzib edib - ANS Press) xarici kəşfiyyatının direktor müavini Baurjan Alpısovun vəzifədən kənarlaşdırılması ilə bağlıdır”, - nəşrin yeni məlumatında deyilir.
