ANSTV
ANSÇM
Qəbələdə baş verən qəzada 5 nəfər xəsarət alıb FOTO
“VAZ 2106” ilə “Opel” toqquşub
1 dəqiqə
Qaraməryəm-İsmayıllı-Qəbələ avtomobil yolunun Qəbələ rayonunun Nohur göl ərazisindən keçən hissəsində ağır yol-nəqliyyat hadisəsi baş verib.
Qəbələ şəhəri istiqamətində hərəkət edən “VAZ 2106” markalı avtomobil əks istiqamətdə gedən “Opel” markalı avtomobillər toqquşub. Beş nəfər (2 kişi, 3 qadın) təcili tibbi yardım şöbəsinə hospitalizasiya olunub.
Qəbələ Rayon Mərkəzi Xəstəxanasından bölgə müxbirinə verilən məlumata görə, yaralılara bədənin müxtəlif nahiyələrinin travması və sınıqları, qabırğaların, alının açıq yaraları diaqnozları təyin olunub və onların hər birinə zəruri tibbi xidmətlər göstərilib.
Xəsarət alanlardan 2 nəfərin (1 kişi, 1 qadın) vəziyyəti ağır, 1 nəfərin (qadın) orta ağır, 1 nəfərin (qadın) vəziyyəti stabil qiymətləndirilir və müvafiq şöbələrdə müalicələri davam etdirilir. Bir nəfər isə (qadın) göstərilən tibbi xidmətlərdən sonra ambulator müalicə üçün evə buraxılıb.
Baş vermiş qəza ilə bağlı araşdırma aparılır.
