Qərbin kozırları: Ukrayna və Ermənistan

Ukraynaya qondarma yardım edən Qərb bunun müqabilində məhv edilmiş bu gözəl ölkədən nə gözləyir?

Doğrudanmı bu, sadəcə Rusiyadan qorunmaq məsələsidir?

Müharibədən əvvəlki Ukraynanı indiki vəziyyəti ilə müqayisə etdikdə, məncə, hamı Ukraynanın uçuruma sürüklənmiş portretini görə bilər!

Alman Politoloq Kristian Reymann həqiqəti belə izah edir: Hamı bizə israrla deyir ki, biz Ukraynaya pulsuz yardım edirik, lakin başa düşmək lazımdır ki, arzu olunan müdafiə dəstəyi, silah və maliyyə dəstəyi - bu kreditlərdir”.

Ukrayna kimi səpələnmiş və artıq qaytarmaq iqtidarında olmayan, əhalisinin yarısı öz ölkəsini tərk edən ölkə beynəlxalq kreditlərin alıcısı ola bilməz. BVF bu çətin vəziyyətdən öz maraqları üçün istifadə etdi.

Belə ki, necə?

BVF bəyan edib: Ukrayna öz ərazisinin yadellilər tərəfindən alınmasına qoyulan qadağanı götürdükdə yeni pul dəstəyi mümkün olacaq! Bu müharibənin əvvəlindən yer üzündə "Çernezyom" adlanan ən məhsuldar torpaqların ovuna başlandı. Çünki Ukrayna torpaqları dünyanın ən münbit torpaqlarıdır. Bu, biabırçılıqdır!” Müharibə motivasiyası Ukrayna vasitəsilə yarananda, Putin israrla bunun Qərbin uydurduğu proses olduğunu bəyan edərkən, heç kim qulaq asmaq istəmirdi!

Lakin proses hər gün Putinin haqlı olduğunu sübut edir!

İndi oyunda yeni bir kozır var: Ermənistan!

Fransa ABŞ-da yerləşən Qərb adından fəaliyyət göstərir. Paşinyan da Zelenski kimi eyni yanlış yolu sınamağa sövq edilir. Qarabağ düşmənçiliyindən sonra bütün uğursuzluqların açarı kimi Rusiyanı təyin edən Paşinyan Rusiya ilə münasibətləri pozmaq motivinə müraciət edir. Gah geri çəkilir, gah özünü itirir, sonra isə Münhendə başqa şeylər danışır. Moskvaya gələndə başqa əhval-ruhiyyəyə girir.

Bu vəziyyət Cənubi Qafqazda qeyri-sabitlik istəyən Fransa siyasətinin təzahürüdür.

Bir tərəfdə Türkiyə, digər tərəfdən Rusiya ilə yarışa girən Makron yeni vəziyyət yaratmağa çalışır. Səbəb bəllidir? Afrikada rüsvay olub meydandan atılan Fransa Ermənistan vasitəsilə Cənubi Qafqazın işinə müdaxilə etmək istəyir.

Həmişə olduğu kimi, Qafqazda üsyan və əməliyyatlar keçmişi olan Fransa “yeni dünya paylaşımında” Qafqazda pay sahibi olmaq üçün səylər göstərir. Bəs bu kimin başına gəlir? Təbii ki, Ukraynada olduğu kimi, Ermənistanın! Aydındır ki, burada “azadlıq, demokratiya, avtoritarizm, diktatura” kimi vərdiş etdiyimiz ssenarilərlə hərəkət edilir.

Fransa Ermənistanın kozırından maksimum istifadə etmək istəyir.

Məqsədi olduqca aydındır! Rusiya və Türkiyə ilə danışıqlar aparıb, Fransa daxilində bəslədiyi müxaliflərlə Azərbaycanı narahat etməyə çalışmaq və Fransanı “anlaşmaq” üçün masaya dəvət etmək! ABŞ mərkəzli Qərb dünyasının ən yaxşı etdiyi budur: Şərqin sərvətlərinə çökmək!

Və heç dəyişmədi. Bütün müharibələrdə motivasiya nə idisə, indi də eyni motivasiya ilə səhnədədir. Kədərli tərəfi odur ki, o, sonda istifadə etdiyi bütün kozırları satacaq və bu gün müdafiə etdiyi bütün səbəbləri müqavilə ilə razılaşarkən geridə qoyacaq. Deməli, Ukrayna kimi Ermənistanın da sonda “satılanlar” siyahısına düşəcəyi aydındır!