Ramazan bayramı ilə əlaqədar məktəblərdə qeyri-iş günləri
Məktəbəqədər və Ümumi Təhsil üzrə Dövlət Agentliyi məlumat yayıb
![Ramazan bayramı ilə əlaqədar məktəblərdə qeyri-iş günləri](/uploads/images/2024/04/rs/image_750x_660d75e0c92be-750-1080-resize.webp)
Azərbaycan Respublikası Nazirlər Kabinetinin “İş və istirahət günlərinin yerlərinin dəyişdirilməsi haqqında” müvafiq Qərarına əsasən, 2024-cü ilin 12 aprel iş günü ilə müvafiq olaraq 6 aprel istirahət gününün yerləri dəyişdirilib.
Bu barədə Məktəbəqədər və Ümumi Təhsil üzrə Dövlət Agentliyi məlumat yayıb.
Qeyd edilənləri nəzərə alaraq, 5 günlük qrafiklə işləyən təhsil müəssisələrində bayramdan əvvəl son iş günü 9 aprel, bayramdan sonrakı ilk iş günü 15 aprel tarixidir.
6 günlük qrafiklə işləyən müəssisələrdə isə bayramdan əvvəl son iş günü 9 aprel, bayramdan sonrakı ilk iş günü 12 aprel tarixidir.