Ramil Usubov Özbəkistan TŞ-nın katibi Mahmudovla görüşüb

Bu barədə Təhlükəsizlik Şurasının mətbuat xidmətindən məlumat verilib

Oxuma müddəti:

1 dəqiqədən az

Dekabrın 10-da Azərbaycan Respublikası Təhlükəsizlik Şurasının katibi Ramil Usubov Özbəkistan Respublikası Prezidenti yanında Təhlükəsizlik Şurasının katibi Viktor Mahmudovla görüşüb.

Bu barədə Təhlükəsizlik Şurasının mətbuat xidmətindən məlumat verilib.

Görüş zamanı münaqişələrin, hərbi-siyasi çağırışların və təhdidlərin dünyada artdığı müasir dövrdə əməkdaşlığın və birgə səylərin əhəmiyyəti qeyd edilib.

Tərəflər həmçinin hərbi və hərbi-texniki sahələrdə əlaqələrin daha da gücləndirilməsinin və genişləndirilməsinin, o cümlədən təcrübə mübadiləsinin vacibliyini bildiriblər ki, bu da təkcə Cənubi Qafqazda deyil, həm də bütövlükdə Orta Asiyada sabitliyin və təhlükəsizliyin qorunması üçün yeni imkanlar açacaq.