Rusiya hərbçiləri Kaxovskaya SES-nın bəndini partladıblar

Dnepr çayının sağ sahilində potensial daşqın zonalarından dinc əhalinin təxliyəsi başlayıb

Oxuma müddəti:

1 dəqiqə

Novaya Kaxovkanın Rusiya tərəfindən təyin edilmiş “meri” Vladimir Leontyev əvvəlcə “şəhərdə hər şeyin normal olduğunu, hər şeyin sakit olduğunu” bildirsə də, sonradan deyib ki, "klapanları" sıradan çıxan Kaxovka su elektrik stansiyasından gələn su nəzarətsiz şəkildə aşağı axına axıdılmağa başlayıb.

O, daha sonra əlavə edib ki, stansiyanın dağıdılmasından sonra suyun səviyyəsi axın istiqamətində 2,5 metr qalxıb. TASS-ın fövqəladə hallar xidmətinə istinadən verdiyi xəbərə görə, Kaxovskaya SES-də 28 keçiddən 11-i dağılıb, 80 yaşayış məntəqəsi isə daşqın təhlükəsi altındadır. İşğalçı hakimiyyət Nova Kaxovkanın boşaldılmasına ehtiyac görmür və Zaporojye atom elektrik stansiyası üçün heç bir təhlükənin olmadığını iddia edir.

Ukrayna Daxili İşlər Nazirliyi Dnepr çayının sağ sahilində potensial daşqın zonalarından dinc əhalinin təxliyə edildiyini açıqlayıb. Departament xəbərdarlıq edib ki, Dnepr çayının sağ sahilindəki Nikolayevka, Olqovka, Levo, Tyaginka, Ponyatovka, İvanovka, Tokarevka, Pridneprov kəndlərini və Xersonun bir hissəsi - Korabel adası su basması təhlükəsi altındadır.