Rusiya-Hindistan “İndra-2025” hərbi təlimləri başlayıb FOTO

Hindistanın Mahacan poliqonunda Rusiya-Hindistan “İndra-2025” təlimi başlayıb.

Təlimin məqsədi terrorizmlə mübarizədə iki ölkənin bölmələri arasında əməkdaşlığı təcrübə etməkdir.

Hindistanın Mahacan poliqonunda Rusiya-Hindistan “İndra-2025” təliminin rəsmi açılışı olub. Bu barədə Rusiya Müdafiə Nazirliyinin mətbuat xidməti məlumat yayıb.

Tədbirdə Rusiya təlimlərinin komandiri, general-mayor Andrey Kozlov, Qandiv diviziyasının komandiri, general-mayor Sanjay Çandra Kandpala və iki ölkənin bölmələrinin hərbçiləri iştirak ediblər.

Təlimin əsas məqsədi beynəlxalq terrorizmlə mübarizədə, o cümlədən terrorizmə qarşı mübarizə taktikasının təkmilləşdirilməsi sahəsində iki ölkənin bölmələri arasında əməkdaşlığı təcrübə etməkdir.

Hərbi qulluqçular birgə taktiki hərəkətləri, kommunikasiyaları, birgə qüvvələr qrupuna komandanlıq və nəzarəti məşq edəcəklər. Bölmələrin qarşılıqlı fəaliyyətinin gücləndirilməsinə və müasir şəraitdə döyüş əməliyyatlarının aparılmasında qabaqcıl təcrübələrin mübadiləsinə xüsusi diqqət yetiriləcək.

"Bu birgə təlim qlobal sülh və təhlükəsizliyə kollektiv öhdəliyimizin sübutu kimi başlayır. Qarşıdakı iki həftə ərzində müasir münaqişələrin mürəkkəb təbiətini əks etdirən ssenarilər də daxil olmaqla intensiv təlimlər keçirəcəyik. Bizim birləşmiş gücümüz sülhün hökm sürdüyü gələcəyin qurulmasında bizim ən böyük sərvətimizdir" dedi.

Rusiya-Hindistan birgə “İndra-2025” təlimi oktyabrın 15-dək davam edəcək.