Sabah Əbu-Dabidə İlham Əliyevlə Paşinyanın görüşü olacaq

Prezidentin Mətbuat Xidmətinin məlumatı

Oxuma müddəti:

1 dəqiqə

Azərbaycan Respublikası ilə Ermənistan Respublikası arasında davam edən sülh prosesi çərçivəsində iyulun 10-da Birləşmiş Ərəb Əmirliklərinin Əbu-Dabi şəhərində Azərbaycan Prezidenti İlham Əliyevlə Ermənistanın baş naziri Nikol Paşinyan arasında ikitərəfli görüş keçiriləcək.

Bu barədə Prezidentin Mətbuat Xidmətinin məlumat yayıb.

***
Qeyd edək ki, Ermənistanın baş naziri Nikol Paşinyan bu gün Birləşmiş Ərəb Əmirliklərinə (BƏƏ) işgüzar səfərə gedir.

Bu barədə baş nazirin mətbuat katibi Nazeli Baqdasaryan məlumat verib.

"Bu gün Əbu-Dabidə Ermənistanın baş naziri Nikol Paşinyanın BƏƏ Prezidenti şeyx Məhəmməd bin Zayed Əl Nəhayan ilə görüşü planlaşdırılır. Azərbaycan ilə Ermənistan arasında davam edən sülh prosesi çərçivəsində iyulun 10-da Əbu-Dabidə Ermənistanın baş naziri Nikol Paşinyanla Azərbaycan Prezidenti İlham Əliyev arasında ikitərəfli görüş keçiriləcək", - o qeyd edib.