Sabah Ərdoğan Azərbaycana gəlir YENİLƏNİB

Bu barədə Türkiyə Prezidentinin ofisindən məlumat veriblər

Oxuma müddəti:

1 dəqiqə

17:20

Türkiyə Prezidenti Rəcəb Tayyib Ərdoğanın Azərbaycana səfər proqramı açıqlanıb.

Bu barədə Türkiyə Prezident Administrasiyasının Kommunikasiya İdarəsinin rəhbəri Burhanettin Duran "X" sosial media hesabında yazıb.

Onun sözlərinə görə, Türkiyə lideri 8 noyabr Zəfər Günü münasibətilə Bakıda keçiriləcək tədbirdə iştirak etmək üçün Azərbaycana səfər edəcək:

"Səfər çərçivəsində Rəcəb Tayyib Ərdoğanın Azərbaycan Prezidenti İlham Əliyev və mərasimdə iştirak edəcək Pakistanın Baş naziri Şahbaz Şəriflə ikitərəfli, regional və qlobal məsələlər barədə görüşlər keçirməsi də nəzərdə tutulur".

***

16:04

Türkirə Prezidenti Rəcəb Tayyib Ərdoğan sabah Azərbaycana gəlir.

Bu barədə "ANS Press"ə Türkiyə Prezidentinin ofisindən məlumat veriblər.

Qeyd edək ki, noyabrın 8-də Vətən müharibəsində Zəfərin 5-ci ildönümü ilə əlaqədar parad keçiriləcək.

Türkiyə Prezidenti Ərdoğan həmin paradda iştirak edəcək.

Qeyd edək ki, paradda Türkiyə Prezident Qvardiyasının hərbçiləri keçid edəcək və altı F-16 təyyarəsi iştirak edəcək.