Şahdağda zubr balaları doğuldu FOTO

Artıq milli parkda zubr balalarının sayı 8-ə çatıb

Oxuma müddəti:

1 dəqiqədən az

Azərbaycanın Şahdağ Milli Parkına gətirilən zubrlardan üçünün balası dünyaya gəlib.

Bioloji Müxtəlifliyin Qorunması Xidmətinin rəsmisi Arzu Babayeva bildirib ki, artıq milli parkda zubr balalarının sayı 8-ə çatıb. Balalar sağlamdır, yerli şəraitə uyğunlaşaraq sürüyə qoşulub: "Ölkəmizə Fransa, Belçika və Almaniyadan 36 baş Avropa zubru gətirilmişdi. Hazırda zurbların sayı 44-ə çatıb”.

Xidmət rəsmisinin sözlərinə görə, Avropa zubru Azərbaycanın “Qırmızı Kitab”ının yeni çapdan çıxmış 3-cü nəşrinə daxil edilib.