Şeyx Müsəlman Ağsaqqallar Şurasının (MAŞ) iclasına yollandı

Qafqaz Müsəlman İdarəsinin sədri Əbu-Dabi şəhərində keçiriləcək MAŞ-nın 17-ci iclasında iştirak edəcək

Allahşükür Paşazadə

Oxuma müddəti:

1 dəqiqə

Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə bu gün, fevralın 7-də Birləşmiş Ərəb Əmirliklərinə (BƏƏ) səfərə gedir. Bu barədə QMİ-nin yaydığı məlumatda deyilir.

Səfər Müsəlman Ağsaqqallar Şurasının (MAŞ) baş katibi Məhəmməd Əbdüssalamın dəvəti ilə həyata keçirilir.

QMİ sədri paytaxt Əbu-Dabi şəhərində keçiriləcək MAŞ-nın 17-ci iclasında iştirak edəcək.

Məlumata görə, A. Paşazadə üzv olduğu qurumun iclasındakı çıxışında hazırda İslam dünyasını narahat edən aktual məsələlər, müsəlman dini liderlərin bu problemlərin həlli istiqamətində rolu barədə fikirlərini bölüşəcək.

Tədbirdə bu il Azərbaycanda keçiriləcək BMT İqlim Dəyişmələri üzrə Çərçivə Konvensiyasının Tərəflər Konfransının 29-cu konfransında (COP-29) MAŞ-ın yaxından iştirakı məsələsi də müzakirə ediləcək.

QMİ sədrinin səfər çərçivəsində təşkilatın müxtəlif ölkələri təmsil edən üzvləri ilə görüşləri də planlaşdırılır.