Şahbuzda hərbi sursat aşkarlanıb

Naxçıvan Muxtar Respublikası Fövqəladə Hallar Nazirliyi bildirir

Oxuma müddəti:

1 dəqiqədən az

Naxçıvan Muxtar Respublikası Fövqəladə Hallar Nazirliyinin “112” qaynar telefon xəttinə polis əməkdaşları tərəfindən Şahbuz rayonu ərazisində hərbi sursatın aşkar edilməsi barədə məlumat daxil olub.

Nazirliyin mətbuat xidmətindən bildirilib ki, məlumatla əlaqədar dərhal Naxçıvan Muxtar Respublikası Fövqəladə Hallar Nazirliyinin müvafiq qrumunun əməkdaşları hadisə yerinə cəlb edilib. Hüquq mühafizə orqanı əməkdaşları ilə birgə müvafiq təhlükəsizlik tədbirləri görüldükdən sonra hadisə yerlərinə baxış zamanı aşkar edilmiş sursatın 1 ədəd “RPQ-7” tipli tank əlehinə qumbaraatanın idarəetmə mühərriki olduğu müəyyənləşib.

Sursat zərərsizləşdirilməsi üçün ərazidən götürülərək kənarlaşdırılıb.