ANSTV
ANSÇM
Şeyx “hicab etirazlarına” münasibət bildirdi
Allahşükür Paşazadə dindarları təxribatlara uymamağa çağırıb
1 dəqiqə
Şeyxülislam hicabın Azərbaycanda qadağan olunmadığını bildirib və məktəbli forması məsələsinin siyasiləşdirilməməsinə çağırıb.
Qafqaz Müsəlmanları İdarəsinin sədri Allahşükür Paşazadə vahid məktəbli forması qaydalarında hicabdan bəhs edilmədiyini və onun geyinilməsinin Azərbaycanda qadağan edilmədiyini bildirib. O, uşaqların dini təhsil müəssisələrində hicabla təhsil ala biləcəklərini bildirib.
"Azərbaycanda din dövlətdən, məktəb isə dindən ayrıdır", - deyə o vurğulayıb.
Eyni zamanda, Şeyxülislam məktəbli forması ilə bağlı qərar qəbul edilməzdən əvvəl heç bir əvvəlcədən məsləhətləşmə aparılmadığına görə təəssüfləndiyini bildirib.
Paşazadə ölkə daxilində və xaricdə müəyyən qüvvələrin hicab məsələsindən vəziyyəti siyasiləşdirmək, qarşıdurma yaratmaq və vətəndaşları dövlətə qarşı təhrik etmək üçün istifadə etdiyini bildirib. O, dindarları təxribatlara uymamağa çağırıb və müsəlmanların Azərbaycan dövlətini dəstəklədiyini vurğulayıb.
