Tramp: İrana qarşı əməliyyat təxminən 4 həftə çəkə bilər

ABŞ prezidenti İranın gələcək lideri vəzifəsinə uyğun hesab etdiyi üç namizədin olduğunu deyib

Oxuma müddəti:

1 dəqiqədən az

ABŞ prezidenti Donald Tramp: İrana qarşı əməliyyat təxminən 4 həftə çəkə bilər.

"Bu, həmişə dörd həftəlik bir proses idi. Biz bunun təxminən dörd həftə çəkəcəyini güman edirdik. Bu, həmişə dörd həftəlik bir proses idi, ona görə də ölkənin bütün gücünə baxmayaraq, dörd həftə və ya daha az vaxt aparacaq", - deyə Tramp Daily Mail-ə verdiyi müsahibədə bildirib. O, əlavə edib ki, əməliyyat plana uyğun olaraq davam edir.

The New York Times-a verdiyi müsahibədə Tramp İranın gələcək lideri vəzifəsinə uyğun hesab etdiyi üç namizədin adını çəkib. Konkret adların çəkilməsi istənildikdə, Ağ Ev rəhbəri şərh verməkdən imtina edib.

Tramp həmçinin ölkənin yeni rəhbərliyi praqmatizm nümayiş etdirərsə, İrana qarşı sanksiyaların ləğv edilməsi ehtimalını da dilə gətirib.