XƏBƏRLƏR / Hadisə

Azərbaycan vətəndaşlarının da olduğu gəmi dronla vurulub

Dron hücumuna məruz qalmış Türkiyə gəmisi haqda Azərbaycan XİN-nin məlumatı YENİLƏNİB

Azərbaycan vətəndaşlarının da olduğu gəmi dronla vurulub
  • Oxuma müddəti:

    4 dəqiqə

  • 10:42

    Qara dənizdə heyətində Azərbaycan vətəndaşlarının da olduğu xarici yük gəmisinin dron hücumlarına məruz qalması barədə mətbuat məlumatı:

    5 oktyabr tarixində Qara dənizdə, Rumıniya sahilləri yaxınlığında “Royad Məmmədov” adlı xarici yük gəmisi dron hücumuna məruz qalıb.

    Daxil olan məlumata əsasən, hücum nəticəsində Azərbaycan vətəndaşı, gəminin kapitanı 1974-cü il təvəllüdlü Həsənov Rüstəm İsmayıl oğlu həlak olub. Digər vətəndaşımız 2002-ci il təvəllüdlü Süleymanzadə Məhəmməd Həmzə oğlu itkin düşüb. Hal-hazırda, müvafiq axtarış tədbirləri həyata keçirilir.

    Gəmi heyətində olan digər vətəndaşlarımız xilas edilib, onlardan 3 nəfəri xəstəxanaya yerləşdirilib.

    Məsələ ilə bağlı Xarici İşlər Nazirliyi tərəfindən ölkəmizin diplomatik nümayəndəlikləri və aidiyyəti ölkələrin səlahiyyətli qurumları ilə birgə koordinasiya işləri aparılır. Vətəndaşlarımıza zəruri tibbi və konsulluq dəstəyinin göstərilməsi, eləcə də həlak olan vətəndaşlarımızın cənazələrinin vətənə gətirilməsi ilə bağlı müvafiq prosedurların həyata keçirilməsi istiqamətində zəruri tədbirlər görülür.

    Həlak olan soydaşlarımızın ailələrinə və yaxınlarına dərin hüznlə başsağlığı verir, xəsarət alanların tezliklə sağalmasını arzulayırıq.

    Bir daha, Azərbaycan vətəndaşlarına hərbi əməliyyatların getdiyi və təhlükəsizlik vəziyyətinin qeyri-sabit olduğu bölgələrə səfər etməkdən, bu ərazilərdə, eləcə də riskli marşrutlar üzrə hərəkət edən nəqliyyat vasitələrində, xüsusilə gəmilərdə əmək fəaliyyəti ilə məşğul olmaqdan çəkinməyə çağırış edirik.

    ***

    08:17

    "Röyad Məmmədov" yük gəmisinə edilən dron hücumunda iki Azərbaycan vətəndaşı həlak olub: gəminin kapitanı 1974-cü il təvəlüdlü Rüstəm İsmayıl oğlu Həsənov və 2002-ci ildə anadan olmuş aşpaz Süleymanzadə Məhəmməd Həmzə oğlu.

    Digər məlumata görə Məhəmməd Süleymanzadə itkin düşüb.

    Gəmi heyətində olan digər vətəndaşlarımız xilas edilib, onlardan 3 nəfəri xəstəxanaya yerləşdirilib.

    ***
    2026.10.05 17:07


    Rusiya ordusu Qara dənizin neytral sularında taxıl daşıyan mülki gəmiyə iki dronla zərbə endirib.

    Bu barədə Ukrayna Prezidenti Volodimir Zelenski “X” hesabında yazıb.

    Onun sözlərinə görə, gəmi Türkiyəyə məxsus olub. Hücum nəticəsində kapitan ölüb.

    Zelenski gəmidə Azərbaycan və Hindistan vətəndaşlarının olduğunu qeyd edib.

    “Təəssüf ki, gəminin kapitanı ölüb. Digər şəxsin taleyi isə araşdırılır”, - Ukrayna Prezidenti vurğulayıb.

    O əlavə edib ki, gəmidən 11 nəfər xilas edilib, onlardan biri xəsarət alıb.
    ***

    16:35

    Türkiyənin "Royad Mammadov" ticarət gəmisi Qara dənizdə dron hücumundan sonra batıb - ReplicaOnline.

    Hücum nəticəsində iki nəfər həlak olub, 11 heyət üzvü isə Rumıniya xilasediciləri və sahil mühafizəsi tərəfindən xilas edilib.

    • Hadisə yeri: Rumıniyanın Eksklüziv İqtisadi Zonası, Sfantu Gheorghedən təxminən 30 dəniz mili cənubda, Peskarus neft platformasının yaxınlığında.
    • Qurbanlar və heyət: Zərbə və sonrakı yanğın nəticəsində iki heyət üzvü həlak olub. On bir dənizçi Rumıniya xilasediciləri və sahil mühafizəsi tərəfindən xilas edilib.
    • Xilas edilən dənizçilərin vəziyyəti: Kapitan və bir neçə digər dənizçi yaralanıb və tibbi yardım üçün vertolyotla sahilə təxliyə edilib.
    • Gəmiçiliyə təsir: Hadisə hərbi risklərin ümumi kəskin artması və Qara dəniz hövzəsində ticarət gəmilərinə hücumların sayının artması fonunda baş verib.

    Gəmi İstanbulda yerləşən "Spring Marine" şirkətinə məxsusdur.