ANS Press

ANS Press

İyul 31, 2025 - 16:04 Yeniləndi: İyul 31, 2025 - 16:28

XƏBƏRLƏR / Nəqliyyat

Türkiyə və Qazaxıstan Orta Dəhlizin imkanlarını artıracaq

Bunu Türkiyənin nəqliyyat və infrastruktur naziri Əbdülqadir Uraloğlu bəyan edib

Türkiyə və Qazaxıstan Orta Dəhlizin imkanlarını artıracaq

  • Oxuma müddəti:

    1 dəqiqədən az

    • Türkiyə və Qazaxıstan Orta Dəhlizin imkanlarını artırmağı planlaşdırır — Xəbəri Anadolu agentliyi Türkiyənin nəqliyyat və infrastruktur naziri Əbdülqadir Uraloğluna istinadən yayıb.

    Qazaxıstan Prezidenti Kasım-Jomart Tokayevin Türkiyəyə səfəri zamanı iki ölkə arasında Orta Dəhliz üzrə dəmir yolu nəqliyyatı sahəsində əməkdaşlıq haqqında Saziş imzalanıb.

    "Türkiyə ilə Qazaxıstan arasında müntəzəm dəmir yolu xətlərinin açılması planlaşdırılır. Bakı-Tbilisi-Qars dəmir yolu ilə yük dövriyyəsinin həcminin artırılması planlaşdırılır. Çin-Avropa və Çin-Afrika marşrutları ilə ikitərəfli daşımaların inkişaf edəcəyi gözlənilir. Bundan əlavə, rəqabətədavamlı tariflər müəyyən ediləcək və multimodal logistika infrastrukturu gücləndiriləcək".