Türkiyədə “Instagram”a giriş bərpa olunub

Türkiyənin nəqliyyat və infrastruktur naziri Əbdülkadir Uraloğlu açıqlama yayıb

Oxuma müddəti:

1 dəqiqədən az

Türkiyə ərazisində avqustun 2-dən etibarən qüvvədə olan “Instagram” sosial şəbəkəsinə giriş qadağası aradan qaldırılıb.

Məsələ ilə bağlı Türkiyənin nəqliyyat və infrastruktur naziri Əbdülkadir Uraloğlu sosial şəbəkə hesabından açıqlama yayıb.

“Instagram”la bağlı qadağanın 10 avqust, saat 21:30-dan etibarən ləğv olunduğunu bildirən Uraloğlu qeyd edib ki, sosial şəbəkə nümayəndələri ilə aparılan danışıqlar zamanı Türkiyə qanunvericiliyinə hörmətlə yanaşmanın vacibliyi vurğulanıb. Nazir bildirib ki, “Instagram” rəsmiləri Türkiyə hökümətinin tələblərini yerinə yetirəcəklərinə dair söz verdikdən sonra qadağa ləğv edilib.