ANSTV
ANSÇM
Türkiyəli fermer Zəfər Gününü özünəməxsus qeyd edib
Burak Tunçkol təxminən dörd saat ərzində kotanla şumda mesaj yazıb
1 dəqiqə
Türkiyənin Lüləburqaz rayonunun Evrenseki kəndindən olan fermer Burak Tunçkol Azərbaycanın Vətən Müharibəsində qazandığı qələbənin dördüncü ildönümünü qeyri-adi şəkildə qeyd etmək qərarına gəlib. O, traktoruna Türkiyə və Azərbaycan bayraqlarını ilişdirib və təxminən dörd saat ərzində kotanla şumda mesaj yazıb: “Qarabağ Azərbaycandır, Qarabağ zəfərinin dörd yaşı var”.
Tunçkol Türkiyə ilə Azərbaycanın qardaş ölkələr olduğunu vurğulayaraq, bu qələbənin ildönümünü qeyd etməyi vacib hesab edir. “Qarabağ zəfəri türk xalqını da narahat edir. Bunu “İki dövlət - bir xalq” şüarını vurğulamaq üçün etdim”, - deyə fermer bildirib.
Tunçkol meydanda mesaj yazarkən Qarabağ müharibəsində canından keçən şəhidləri düşünüb.
“Hər dəfə şumu yerə batanda şəhidləri düşünürdüm. Məkanları cənnət olsun”, - deyə fermer fikirlərini bölüşüb.
