ANSTV
ANSÇM
Türklər erkən seçkilərin keçirilməsinini istəyirlər
Bunu AREA Research mərkəzinin keçirdiyi sorğunun nəticələri sübut edir
1 dəqiqə
Sorğuda iştirak edənlərin əksəriyyəti Türkiyədə erkən seçkilərin keçirilməsinin tərəfdarıdır.
Türkiyə sakinlərinin yarıdan bir qədər çoxu, yəni 53,3%-i ölkədə növbədənkənar parlament və prezident seçkilərinin keçirilməsinin tərəfdarıdır. Bunu AREA Research ictimai rəyin öyrənilməsi mərkəzinin keçirdiyi sorğunun nəticələri sübut edir.
Onun məlumatına görə, respondentlərin 41,2%-i növbədənkənar seçkilərin əleyhinə çıxıb, 5,5%-i isə bu məsələ ilə bağlı qəti fikri yoxdur.
Sorğu iyulun 4-dən iyulun 7-dək 18 və daha yuxarı yaşda olan 2056 nəfər arasında aparılıb. Səhv həddi müəyyən edilməyib.
2023-cü ilin mayında Türkiyədə prezident və parlament seçkiləri keçirilib. Yeni müddətə yenidən seçilən, Respublika Prezidenti və hakim Ədalət və İnkişaf Partiyasının (AKP) lideri Rəcəb Tayyib Ərdoğan növbəti ümumi seçkilərin 2028-ci ildə planlaşdırıldığı kimi keçiriləcəyini dəfələrlə bəyan edib.
