ANSTV
ANSÇM
Uitkoffa Azərbaycanla bağılı məsləhəti Kalın və Fidan verir
Bunu Trampın xüsusi elçisi Nyu-Yorkda keçirilən illik Concordia Sammitində deyib
1 dəqiqə
Trampın Azərbaycan üzrə xüsusi elçisinə İbrahim Kalın və Hakan Fidan məsləhət verirlər.
Trampın komandası Ermənistan və Azərbaycanla bağlı məsələlərlə bağlı Türkiyə kəşfiyyat orqanları və diplomatları ilə əlaqə saxlayır.
Bunu Nyu-Yorkda keçirilən illik Concordia Sammitində Trampın xüsusi nümayəndəsi Stiv Uitkoff deyib.
"Türkiyədə Tomun (ABŞ-ın Ankaradakı səfiri Barrak) o bölgədə baş verən hər şey üçün son dərəcə əhəmiyyətli olan iki adamı var. Biri kəşfiyyat direktoru İbrahim adlı bir cənab (MİT-in rəhbəri Kalın - ANS Press), digəri isə xarici işlər naziri Hakandır (Fidan - ANS Press). Mənim bir problemim varsa, məsələn, Azərbaycanda, Ermənistanda, ya bəzən də Ukrayna ilə bağlı, Türkiyədəki bu cənablar belə sahələrdə ekspertdirlər.
Tramp administrasiyasında mən bunu edirəm: Toma zəng edib soruşuram: “İbrahimin bu barədə fikri nədir?” Biz birlikdə işləyirik. Administrasiya daxilində səmərəli əməkdaşlıq vasitəsilə əldə etdiyimiz uğurların saysız-hesabsız nümunələri var”, - deyə Uitkoff bildirib.
