Vladimir Putin İlham Əliyevlə telefonla danışıb

Rusiya və Azərbaycan prezidentləri Azərbaycan-Ermənistan sərhədində vəziyyəti nəzərdən keçiriblər

Oxuma müddəti:

1 dəqiqədən az

Azərbaycan və Rusiya prezidentlərinin rəsmi saytları söhbət haqda eyni mətnli məlumat yayıblar:

"Ticarət-iqtisadi əməkdaşlığın daha da inkişaf etdirilməsi perspektivləri, o cümlədən enerji və nəqliyyat sahələrində birgə layihələrin həyata keçirilməsi ətraflı müzakirə edilib.

Cənubi Qafqaz regionunda mövcud vəziyyət nəzərdən keçirilib. Azərbaycan-Ermənistan sərhədində sabitliyin və təhlükəsizliyin təmin edilməsi istiqamətində ardıcıl addımların vacibliyi qeyd edilib. Bu kontekstdə Rusiya, Azərbaycan və Ermənistan arasında bütün müvafiq sazişlərin ən yüksək səviyyədə qeyd-şərtsiz yerinə yetirilməsinə sadiqlik bir daha təsdiqləndi.

Müxtəlif formatlarda əlaqələrin davam etdirilməsi razılaşdırılıb."