Vladimir Putin seçici səslərinin 87,31 faizini toplayıb

Bu barədə Rusiya Mərkəzi Seçki Komissiyası məlumat yayıb

Vladimir Putin

Oxuma müddəti:

1 dəqiqədən az

Rusiyada prezident seçkilərində səslərin 99,70 faizi hesablanıb. Bu barədə Rusiya Mərkəzi Seçki Komissiyası məlumat yayıb.

Son məlumata görə, ölkənin fəaliyyətdə olan prezidenti Vladimir Putin 87,31 faiz səslə irəlidədir. Digər namizədlər - Nikolay Xaritonov 4,30 faiz, Vladislav Davankov 3,83 faiz, Leonid Slutski 3,21 faiz səs toplayıblar.

Ölkə üzrə seçki fəallığı 74,22 faiz olub, elektron səsvermədə seçicilərin 94 faizi iştirak edib. Seçki prosesinə maneə yaradılması ilə bağlı 61 cinayət işi, 155 inzibati iş açılıb.

Rusiya XİN-in rəsmi nümayəndəsi Mariya Zaxarova ölkə xaricində 372 mindən çox vətəndaşın səs verdiyini bildirib.