Xaçmazda məktəbli bıçaqlandı
Xəsarət almış şagird tibb müəssisəsinə yerləşdirilib
![Xaçmazda məktəbli bıçaqlandı](/uploads/images/2024/06/rs/image_750x_665efdcc3b259-750-1080-resize.webp)
31 may tarixində axşam saat 22:00 radələrində Xaçmaz rayonu Ləcət kənd tam orta məktəbinin 10-cu sinif şagirdi eyni məktəbdə oxuyan həmyaşıdına aralarında yaranmış mübahisə zamanı xəsarət yetirib.
Bu barədə Quba-Xaçmaz Regional Təhsil İdarəsindən bildirilib.
Qeyd olunub ki, xəsarət almış şagird tibb müəssisəsinə yerləşdirilib: “Hadisə ilə bağlı tərəfimizdən araşdırma aparılıb, hüquq-mühafizə orqanlarına məlumat verilib.
Quba-Xaçmaz Regional Təhsil İdarəsinin əməkdaşları tərəfindən məktəbliyə baş çəkilib, valideyn və şagirdlə söhbət aparılıb”.