Xankəndidə yeni seçki məntəqəsi yaradılacaq

Azad edilən əraziləri əhatə edən 9 seçki dairəsində 26 seçki məntəqəsinin yaradılması planlaşdırılır

Oxuma müddəti:

1 dəqiqə

Xankəndidə yeni seçki məntəqəsi yaradılacaq.

Bu barədə Mərkəzi Seçki Komissiyasının (MSK) sədri Məzahir Pənahov qurumun bu gün keçirilən iclasında məlumat verib.

Onun sözlərinə görə, Xocalı, Əsgəran və Ağdərədə də seçki məntəqələri yaradılacaq: "Hamımız həmin ərazilərdə səs verəcək seçicilərə həsəd aparacağıq".

Bildirilir ki, azad edilən ərazilərdə 26 seçki məntəqəsi yaradılacaq. Azad edilən əraziləri əhatə edən 9 seçki dairəsində 26 seçki məntəqəsinin yaradılması planlaşdırılır.

Digər 7 dairə üzrə də 20 seçki məntəqəsinin yaradılmasına ehtiyac var.

Gələn il fevralın 7-də keçiriləcək növbədənkənar prezident seçkilərində Xankəndidə seçicilərin hansı binada yerləşəcək seçki məntəqəsində səs verəcəkləri məlum olub.

Seçki məntəqəsi keçmiş vilayət Partiya Komitəsinin inzibati binasında yerləşəcək.

Mərkəzi Seçki Komissiyasının (MSK) bu gün keçirilən iclasında MSK sədri Məzahir Pənahov deyib ki, Xankəndidə məhz həmin o binada seçicilər səs verəcək.