Xankəndi–Şuşa–Laçın yolunda yenidənqurma işləri VİDEO

AAYDA xəbər verir

Oxuma müddəti:

1 dəqiqə

Qarabağın yol infrastrukturu daha bir mühüm layihə ilə yenilənir.

31,9 kilometrlik Xankəndi–Şuşa–Laçın avtomobil yolunda yenidənqurma işləri davam etdirilir.

II texniki dərəcəyə uyğun inşa olunan yol boyunca 5 tunel, 2 körpü, suötürücü qurğular, istinad divarları və təxliyə kanalları tikilir.

Layihə çərçivəsində ümumi uzunluğu 2 710 metr olan 5 tunelin 477 metri artıq qazılıb. 350 metr uzunluğunda 1-ci tuneldə qazma işləri tam yekunlaşıb, hazırda drenaj və hidroizolyasiya işləri aparılır.

Tikinti işlərinin sürətli və fasiləsiz təşkili üçün ərazidə asfalt-beton istehsalı müəssisəsi, beton zavodu, qırmadaş emalatxanası, əsas və köməkçi düşərgələr, eləcə də təmir sexi fəaliyyət göstərir.

Tikinti sahəsində 517 nəfərlik işçi heyəti çalışır, 219 texnika və mexanizm isə layihənin icrasına cəlb olunub.

Xankəndi, Şuşa və Laçını birləşdirən yolun müasir standartlara uyğun yenidən qurulması istiqamətində işlər mərhələli şəkildə davam etdirilir.