ANSTV
ANSÇM
Yanan təyyarənin sərnişinlərini azərbaycanlı xilas edib FOTO
Antalyada yanan Rusiyaya məxsus təyyarədə Sultan Sultanovun cəsarəti və fədakarlığı sayəsində insan tələfatının qarşısı alınıb
1 dəqiqə
Antalyada yanan Rusiya təyyarəsinin sərnişinlərini azərbaycanlı xilas edib
Noyabrın 24-də Türkiyənin Antalya şəhərində fövqəladə hadisə baş verib: Rusiyanın Azimut aviaşirkətinə məxsus sərnişin təyyarəsi eniş zamanı yanıb. Məlum olduğu kimi, sərnişinlərdən biri azərbaycanlı Sultan Sultanovun cəsarəti və fədakarlığı sayəsində insan tələfatının qarşısı alınıb.
Həmin reysdə Krasnodar sakini Sultan Sultanov da olub. Gənc stüardessanın çaşqınlıq içində olduğunu və təcili çıxışı aça bilmədiyini görüb, onun köməyinə qaçıb. Ekipajla birlikdə Sultanov öz həyatını təhlükəyə ataraq yanan laynerdən uşaqları və böyükləri təxliyə etməyə kömək edib.
“Əsl cəsarət nümunəsi, adi bir insanın necə qəhrəman ola biləcəyi və öz həyatını riskə ataraq həyatını xilas edə bilər. Sultanın hərəkətini qeyd etmək təklifi ilə Krasnodar diyarının qubernatoru Veniamin Kondratyevə müraciət etdik. Dövlət Duması adından ona cəsarətli hərəkətinə görə hörmət və minnətdarlıq bildirmək üçün təşəkkür məktubu göndərəcəyik. Əlini sıxıram”, – Dövlət Dumasının Nəzarət Komitəsi sədrinin birinci müavini Dmitri Qusev “VKontakte” səhifəsində yazıb.
