ANSTV
ANSÇM
Yevgeni Priqojinin təyyarəsi Rusiyada vuruldu
“Vaqner”in rəhbəri və Putinin aşpazı kimi tanınan şəxs düz 2 ay əvvəl Rusiyada hərbi qiyam qaldırmışdı
1 dəqiqə
“Vaqner” Özəl Hərbi Kompaniyanın (ÖHK) rəhbəri və Putinin aşpazı kimi tanınan Yevgeni Priqojinə məxsus təyyarə Tver vilayətində hava hücumundan müdafiə sistemi tərəfindən vurulub, TG kanalları xəbər verir.
KİV-in məlumatına görə, Priqojin və "Vaqner" ÖHK-nin bütün komanda heyəti bu gün Afrikanı tərk edərək Rusiyaya uçub.
Embraer ERJ-135BJ "Legacy 650" RA-02748 nömrəli təyyarədə 7 sərnişin və 3 ekipaj üzvü olduğu qeyd edilir. Priqojinin özünün təyyarədə olduğu xəbər verilir. "Tver vilayətində qəzaya uğrayan təyyarədə sərnişinlər arasında Yevgeni Priqojin də var idi", - Rusiyanın Federal Hava Nəqliyyatı Agentliyi bildirir.
Vikipediyada operativ şəkildə Priqojinin ölüm tarixi göstərilib:
Tver vilayətində “Embraer” təyyarəsinin qəzaya uğradığı yerdə 8 nəfərin cəsədi tapılıb, "RİA Novosti"yə təcili yardım xidmətlərindən bildirilib.
