ANS Press

ANS Press

Oct 18, 2023 - 16:19 Yeniləndi: Oct 18, 2023 - 21:13

XƏBƏRLƏR / Məhkəmə

"12-ci imam" 12 il azadlıqdan məhrum edildi

Aqil Babayevin cinayət işi üzrə məhkəmə araşdırması başa çatıb

"12-ci imam" 12 il azadlıqdan məhrum edildi

  • Oxuma müddəti:

    1 dəqiqədən az

    • Özünü “12-ci imam” kimi təqdim edərək, 2.5 milyon manatlıq dələduzluqda təqsirləndirilən Aqil Babayevin cinayət işi üzrə məhkəmə araşdırması başa çatıb.

    Bakı Ağır Cinayətlər Məhkəməsində keçirilən sonuncu iclasda hökm oxunub.

    Hökmə əsasən təqsirləndirilən Aqil Babayev 12 il 6 ay müddətinə azadlıqdan məhrum edilib.

    Prokuror çıxışı zamanı Aqil Babayevin 13 il azadlıqdan məhrum edilməsini istəmişdi.

    Xatırladaq ki, “ŞaurmaN1” restoranlar şəbəkəsinin şəriki olmuş Aqil Babayev Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsi tərəfindən həbs edilib. Ona qarşı Cinayət Məcəlləsinin 178.4-cü (dələduzluq, xüsusilə külli miqdarda ziyan vurmaqla törədildikdə) maddəsi ilə ittiham irəli sürülüb.