ANSTV
ANSÇM
1988-1991-ci illərdəki deportasiya ilə bağlı cinayət işi
Bu barədə Baş Prokurorluğun İstintaq idarəsinin rəisi Nemət Əvəzov məlumat verib
1 dəqiqədən az
1988-1991-ci illərdə azərbaycanlıların öz doğma torpaqlarından məcburi deportasiya edilməsi faktı ilə bağlı 2500-dən çox zərərçəkmiş şəxs prokurorluq orqanları tərəfindən dindirilib.
Bu barədə Baş Prokurorluğun “İnstaqram” sosial şəbəkəsindəki səhifəsində canlı yayım zamanı qurumun İstintaq idarəsinin rəisi Nemət Əvəzov məlumat verib.
O bildirib ki, ümumiyyətlə azərbaycanlılar indiyə qədər 4 mərhələli deportasiya məruz qalıb:
“Bunların hamısı prokurorluq orqanları tərəfindən araşdırılır. Həmin deportasiyalar zamanı 100 minlərlə azərbaycanlı öz doğma yurdlarından qovulub. Onların bir çoxu xüsusi amansızlıqla qətlə yetirilib. Əmlakları əllərindən alınıb. Hazırda yaxın tarix sayılan 1988-1991-ci illərdə azərbaycanların deportasiya edilməsi faktı ilə bağlı cinayət işi başlanılıb. Hələ də araşdırmalar aparılır, dindirmələr həyata keçirilir”.
