“8-ci kilometr” bazarının yanındakı kafedə güclü yanğın

Nəticədə prospektin hər iki tərəfində tıxac yaranıb

Oxuma müddəti:

0 dəqiqə

Paytaxtın Nizami rayonu, Qara Qarayev prospektində, “8-ci kilometr” bazarının yaxınlığındakı kafedə baş verən yanğın nəticəsində prospektin hər iki tərəfində tıxac yaranıb.

Nəqliyyatı İntellektual Hərəkət Mərkəzindən verilən məlumata görə, yol polisi avtomobillərin sərbəst hərəkətini təmin etmək üçün lazımi işləri həyata keçirir.

Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən Bakı şəhəri, Nizami rayonu, Q.Qarayev prospektində yerləşən obyektdə baş vermiş yanğın geniş sahəyə yayılmasına imkan verilmədən qısa müddətdə söndürülüb.

Əlavə məlumat veriləcək.