ABŞ məmurlarını öldürmək üçün İrana işləyən şəxs tutuldu

ABŞ Ədliyyə Nazirliyi bu barədə ittiham irəli sürüb

Asif Merçant

Oxuma müddəti:

1 dəqiqə

Pakistanın 46 yaşlı vətəndaşı ABŞ məmurlarını qətlə yetirmək məqsədi ilə İran hakimiyyəti ilə əməkdaşlıq etməkdə ittiham olunur.

Xarici KİV xəbər verir ki, ABŞ Ədliyyə Nazirliyi bu barədə ittiham irəli sürüb.

Məlumata görə, Asif Merçant adlı Pakistan vətəndaşı ABŞ-ın dövlət məmurlarını qətlə yetirmək və başqa planlarda iştirak edib.

O, izahatında bildirib ki, Donald Trampın ABŞ-a prezidentliyi dövründə İran İnqilab Keşikçiləri Qvardiyası “Qüds” qoşununun komandanı öldürülüb. Pakistanlı bildirib ki, onun qisasını almaq üçün Trampı öldürmək istəyib.

ABŞ Prokurorluğunun məlumatına əsasən, Asif Merçant Pakistandan ABŞ-a getməzdən qabaq bir müddət İranda yaşayıb.

Qeyd edək ki, bir müddət əvvəl ABŞ-ın keçmiş dövlət katibi Mayk Pompeo və milli təhlükəsizlik məsələləri üzrə keçmiş müşavir Con Boltonun qətlə yetirilməsi niyyəti ilə bağlı xəbərlər yayılmışdı.