XƏBƏRLƏR / Diplomatiya

Aİ-nin Cənubi Qafqaz üzrə xüsusi nümayəndəsi Ankarada olub

Madlena Qrono Azərbaycan və Ermənistan arasında münasibətlərin normallaşdırılması prosesini müzakirə edib

Aİ-nin Cənubi Qafqaz üzrə xüsusi nümayəndəsi Ankarada olub
Madlena Qrono
  • Oxuma müddəti:

    1 dəqiqədən az

  • Aİ-nin Cənubi Qafqaz üzrə xüsusi nümayəndəsi Madlena Qrono Ankarada Azərbaycan və Ermənistan arasında münasibətlərin normallaşdırılması prosesini müzakirə edib.

    Bu barədə o, X hesabında məlumat verib. Qrono qeyd edib ki, danışıqlarda Cənubi Qafqaz, Türkiyə, Mərkəzi Asiya və Aİ ölkələri üçün faydalı ola biləcək qarşılıqlı fəaliyyət və regional əməkdaşlıq imkanları müzakirə olunub.

    "Ankaraya səfərimi yekunlaşdıraraq, Türkiyəli həmkarlarıma Cənubi Qafqaz və regional məsələlər, o cümlədən Azərbaycan və Ermənistan arasında münasibətlərin normallaşması, Gürcüstandakı vəziyyət, eləcə də Ermənistan-Türkiyə münasibətlərinin normallaşması ilə bağlı açıq və konstruktiv fikir mübadiləsinə görə təşəkkürümü bildirirəm", - o qeyd edib.