Ailəsini qətlə yetirən gənc anlaqsız vəziyyətdə olub
Baş Prokurorluğun Mətbuat xidməti Əhməd Əhmədovun məhkəmə-psixiatrik ekspertizasının rəyini açıqlayıb
![Ailəsini qətlə yetirən gənc anlaqsız vəziyyətdə olub](/uploads/images/2024/05/rs/image_750x_6641d889dd5e6-750-1080-resize.webp)
Fevral ayının 13-də bir ailənin 5 nəfər üzvünün qəsdən öldürülməsinə dair Xətai rayon prokurorluğunda istintaq edilən cinayət işi üzrə təqsirləndirilən şəxs Əhməd Əhmədovun barəsində təyin olunmuş təkrar komission məhkəmə-psixiatrik ekspertizasının rəyinə əsasən, o cinayət əməlini törədən zaman anlaqsız vəziyyətdə olub.
Bu barədə Baş Prokurorluğun Mətbuat xidmətindən bildirilib.
Qeyd olunub ki, cinayət işi üzrə toplanmış sübutlar, o cümlədən ilkin və təkrar komission məhkəmə-psixiatrik ekspertizasının rəyləri nəzərə alınaraq təqsirləndirilən şəxs Ə.Əhmədovun cəmiyyət üçün təhlükəli olması müəyyən edildiyindən onun barəsində Xətai rayon prokurorluğunda tibbi xarakterli məcburi tədbirlərin tətbiq edilməsi üzrə icraatın başlanması haqqında qərar qəbul olunub.
İbtidai istintaq davam etdirilir.