Aşura günü 1 040 litr qan tədarük olunub YENİLƏNİB
Bu barədə Səhiyyə Nazirliyindən məlumat verilib
![Aşura günü 1 040 litr qan tədarük olunub YENİLƏNİB](/uploads/images/2024/07/rs/image_750x_66964d585009d-750-1080-resize.webp)
17:05
Aşura günü keçirilən qanvermə aksiyası zamanı Bakı şəhəri üzrə 1378, respublikanın digər şəhər və rayonları üzrə isə 935 nəfər könüllü olaraq qan verib.
Bu barədə Səhiyyə Nazirliyindən məlumat verilib.
Qeyd olunub ki, bu şəxslərdən ümumilikdə 1040 litr qan tədarük olunub.
Xatırladaq ki, Səhiyyə Nazirliyinin və Qafqaz Müsəlmanları İdarəsinin təşkilatçılığı ilə bu gün Aşura günü qana ehtiyacı olan xəstələrə yardım məqsədi ilə könüllü qanvermə aksiyaları keçirilib. Qanvermə aksiyaları respublikanın 27 şəhər və rayonu üzrə 35 müxtəlif ünvanlarda keçirilir.
***
14:37
“Aşura günü” könüllü olaraq qanvermə aksiyaları davam edir. Azərbaycan Respublikası Səhiyyə Nazirliyinin və Qafqaz Müsəlmanları İdarəsinin təşkilatçılığı ilə «Aşura günü" qana ehtiyacı olan xəstələrə yardım məqsədi ilə könüllü qanvermə aksiyaları keçirilir.
Bu barədə Səhiyyə Nazirliyindən məlumat verilib.
Bildirilib ki, qanvermə aksiyaları Respublikanın 27 şəhər və rayonu üzrə 35 müxtəlif ünvanlarda keçirilir:
"Aksiyalar səhər 9:00-dan başlanıb.
Saat 12:00-a olan məlumata əsasən, Bakı şəhəri üzrə 815, respublikanın digər şəhər və rayonları üzrə isə 542 nəfər könüllü olaraq qan verib. Bu şəxslərdən ümumilikdə 611 litr qan tədarük olunub".