İlham Əliyev dini icmalara maliyyə yardımı ayırıb

Azərbaycan Respublikasının Prezidenti İlham Əliyev Azərbaycanda dini qurumlara maliyyə yardımının göstərilməsi haqqında sərəncam imzalayıb.

Sərəncam Azərbaycanda mövcud dini konfessiyaların fəaliyyətinin dəstəklənməsi, o cümlədən dinlərarası həmrəyliyin daha da inkişaf etdirilməsi, dini maarifləndirmə işinin müasir tələblərə uyğun qurulması və mütərəqqi mənəvi-əxlaqi dəyərlərin təbliği sahəsində fəaliyyətin gücləndirilməsi məqsədilə imzalanıb. .

Sərəncama əsasən, Azərbaycanda dini qurumlara maliyyə yardımı göstərmək məqsədi ilə Azərbaycan Respublikasının 2025-ci il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan aşağıdakı maliyyə vasaiti ayrılsın:

- Qafqaz Müsəlmanları İdarəsinə 3,0 (üç) milyon manat,

- Rus Pravoslav Kilsəsinin Bakı və Azərbaycan Yeparxiyasınına - 350,0 (üç yüz əlli) min manat,

- Bakı şəhəri dağ yəhudiləri dini icması - 350,0 (üç yüz əlli) min manat,

- Avropa yəhudilərinin Bakı dini icması - 350,0 (üç yüz əlli) min manat,

- Sefarad yəhudilərinin Bakı dini icması - 350,0 (üç yüz əlli) min manat,

- Azərbaycan Respublikasında Katolik Kilsəsinin Apostol Prefekturası -. 350,0 (üç yüz əlli) min manat,

- Azərbaycan Respublikasının Alban-Udi Xristian Dini İcmasına – 350,0 (üç yüz əlli) min manat,

- Azərbaycan Respublikasının Dövlət Komitəsinin tabeliyində olan Mənəvi Dəyərlərin Təbliği Fonduna Azərbaycan Respublikası Dini Qurumlarla İş üzrə digər qeyri-islam dini icmalarına maddi dəstək məqsədi ilə - 350,0 (üç yüz əlli) min manat.

Azərbaycan Respublikasının Maliyyə Nazirliyi bu sərəncamda göstərilən məbləğdə maliyyələşməni təmin etməlidir.