ANS Press

ANS Press

Apr 28, 2025 - 17:24 Yeniləndi: Apr 28, 2025 - 17:35

XƏBƏRLƏR / Energetika

Avropada kütləvi elektrik kəsilməsi: 5 ölkə işıqsız qalıb

İspaniya, Portuqaliya, Andorra, Belçika və Fransa elektriksizdir FOTO

Avropada kütləvi elektrik kəsilməsi: 5 ölkə işıqsız qalıb

  • Oxuma müddəti:

    1 dəqiqədən az

    • 28 aprel 2025-ci ildə bir sıra Avropa ölkələrində kütləvi elektrik kəsilməsi baş verib. “La Vanguardia”nın məlumatına görə, təkcə İspaniya və Portuqaliyada deyil, bütün Andorra, Belçika və Fransanın bir hissəsində elektrik enerjisi yoxdur. Qəzanın səbəbləri hələ müəyyən edilməyib.

    İspaniyada bəzi xəstəxanalarda kritik vəziyyət olduğu bildirilir. Madridin Barajas hava limanı fəaliyyətini dayandırıb.

    Portuqaliyada internet kəsilib və Lissabon metrosu xidmətdən çıxıb. Böyük şəhərlərin küçələrində tıxaclar yaranıb.

    Financial Times-ın məlumatına görə, nasazlıq nəticəsində İspaniya və Portuqaliyanın elektrik şəbəkələri 10 giqavatdan çox enerji itirib.

    Nəşr qeyd edir ki, bu, Avropanın müasir tarixində ən böyük belə hadisələrdən biridir.

    Vəziyyət qeyri-sabit olaraq qalır və hakimiyyət orqanları enerji təchizatını bərpa etməyə çalışır.