Azərbaycan pasportu cəlbedicilik reytinqində irəliləyib

Bu barədə İsveçrənin "Henley&Partners" şirkəti məlumat yayıb

Oxuma müddəti:

1 dəqiqədən az

İsveçrəlilər Azərbaycan pasportunun möhkəmliyini müəyyən ediblər.

"Henley&Partners"in yenilənmiş pasport cəlbedicilik reytinqinə əsasən, Azərbaycan 70-ci yeri tutmuşdur (2023-cü ildəki 76-cı yerə qarşı).

Azərbaycan Respublikası vətəndaşları üçün vizasız ölkələrin sayı da 72-yə yüksəlib.

Cənubi Qafqazın digər ölkələrinə gəlincə, Gürcüstan 44-cü (122 vizasız istiqamət), Ermənistan isə 74-cü (68 vizasız istiqamət) yeri tutub.

Sinqapurun pasportu 2025-ci ilin ən güclü pasportudur (195 ölkə).

Qeyd edək ki, "Henley&Partners"in pasport reytinqi seçilmiş ölkənin vətəndaşının vizasız və ya viza almaq üçün sadələşdirilmiş prosedurla neçə başqa ölkəyə gedə biləcəyini göstərən hərəkət azadlığı indeksinə əsaslanır.