Azərbaycan Prezidenti Məsud Pezeşkiana başsağlığı verib

Təbəs şəhərindəki kömür mədənində baş vermiş partlayış nəticəsində çoxsaylı insan tələfatı

Oxuma müddəti:

1 dəqiqə

Prezident İlham Əliyev İran İslam Respublikasının Prezidenti Məsud Pezeşkiana başsağlığı verib.

Başsağlığında deyilir:

"Hörmətli cənab Prezident,

Təbəs şəhərindəki kömür mədənində baş vermiş partlayış nəticəsində çoxsaylı insan tələfatı barədə xəbər bizi olduqca sarsıtdı.

Bu faciə ilə əlaqədar dərdinizi bölüşür, Sizə, həlak olanların ailələrinə və yaxınlarına, bütün İran xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm.

Allah rəhmət eləsin!".

Qeyd edək ki, sentyabrın 21-dən 22-nə keçən gecə İranda kömür mədənindəki partlayışdan sonra üç günlük matəm elan edilib.

"Mehr" xəbər verir ki, Təbəs kömür mədənində baş verən qəzada çox sayda işçinin ölməsi və yaralanmasına baxmayaraq, ümummilli deyil, yalnız Cənubi Xorasan əyalətində üç günlük matəm elan edilib.

Bildirilib ki, Təbəs kömür mədənində partlayış metan qazının sızması nəticəsində meydana gəlib.

Son məlumatlara əsasən, qəzada 52 mədənçi ölüb, 20-yə yaxını isə yaralanıb.