“Yuxarı Lars” yolu bağlanıb

Əlverişsiz hava şəraiti səbəbindən Yuxarı Lars keçid məntəqəsində nəqliyyatın hərəkəti dayanıb. Nəticədə Ermənistana məxsus minlərlə yük maşını sərhəddə tıxanmış vəziyyətdə qalmağa davam edir.

Bu barədə Ermənistan KİV-i məlumat yayıb.

Sürücülər bildirirlər ki, son günlərdə iş prosesi daha da mürəkkəbləşib: növbə idarəçiliyi tez-tez qeyri-müntəzəm şəkildə, anlaşılmaz dərəcədə uzun fasilələrlə həyata keçirilir.

İddialara görə, erməni sürücülərlə Gürcüstan tərəfi arasındakı münasibətlər xeyli pisləşib. Gürcüstan sərhədçiləri və gömrük işçilərinin sənədləşmə problemləri yaratdığını qeyd olunur.

Yuxarı Larsi keçid məntəqəsinin bağlanması ciddi iqtisadi gərginliyə səbəb olub: yük maşınları sürücüləri dayanmalar, günlərlə gözləmələr və tranzit müddətlərinin uzadılması səbəbindən əlavə xərclər çəkməyə məcburdurlar. Malların təchizat zəncirlərində isə artıq gecikmələr müşahidə olunur.

Mütəxəssislər bir daha vurğulayırlar ki, Ermənistan hələ də bu yeganə əsas quru yolundan əhəmiyyətli dərəcədə asılı olaraq qalır və hər bir belə hadisə alternativlərə ehtiyac olduğunu vurğulayır.

“Lakin alternativ yollar haqqında xəyal qurmaq hələ tezdir və onları tapmaq asan olmayacaq”, - deyə Ermənistan mediası yazıb.