ANSTV
ANSÇM
Maka Botçorişvili Ceyhun Bayramov və A.Mirzoyanla danışıb
Gürcüstan XİN rəhbəri telefonla Azərbaycan və ermənistanlı həmkarları ilə regional məsələlər ətrafında fikir mübadiləsi aparıb
1 dəqiqə
Azərbaycanın xarici işlər naziri Ceyhun Bayramov və Gürcüstanın xarici işlər naziri Maka Botçorişvili regional məsələlər ətrafında fikir mübadiləsi aparıblar.
Bu barədə Azərbaycanın Xarici İşlər Nazirliyi məlumat yayıb.
Bildirilib ki, tərəflər iki ölkə arasında dostluq və strateji tərəfdaşlıq münasibətlərinin cari vəziyyətini və perspektivlərini müzakirə ediblər.
İki ölkə arasında ali və yüksək səviyyədə mövcud siyasi dialoqun, baş tutan intensiv səfərlərin, siyasi məsləhətləşmələr mexanizminin münasibətlərimizin daha da gücləndirilməsinə töhfə verdiyi vurğulanıb. Cari ildə bu kimi siyasi təmasların daha da genişləndirilməsinin əhəmiyyəti vurğulanıb.
***
Daha sonra Gürcüstanın xarici işlər naziri Maka Botçorişvili Ermənistanlı həmkarı Ararat Mirzoyan telefon danışığı aparıb.
Telefon danışığı zamanı Cənubi Qafqazda sülhün və sabitliyin təmin edilməsi məsələləri müzakirə olunub.
Bu barədə Ermənistan xarici işlər nazirliyi məlumat yayıb.
