Azərbaycan və Rusiya arasında ticarət 4 mlrd dollara catır

Bu haqda Azərbaycan Dövlət Gömrük Komitəsi xəbər verir

Oxuma müddəti:

1 dəqiqədən az

Azərbaycan Dövlət Gömrük Komitəsi:

- Bu ilin yanvar-noyabr aylarında Azərbaycan və Rusiya Federasiyası arasında ticarət dövriyyəsi ötən ilin müvafiq dövrü ilə müqayisədə 21,1% artaraq 3,95 milyard dolları ötüb.

- Hesabat dövründə Azərbaycandan Rusiyaya 1,08 milyard ABŞ dolları dəyərində məhsul ixrac edilib ki, bu da bir il əvvəlkindən 26,1% çoxdur. Rusiyadan Azərbaycana idxal 19,3% artaraq 2,86 milyard dollar təşkil edib.

- Bu ilin yanvar-noyabr ayları ərzində ölkənin ümumi ticarət dövriyyəsində Rusiya ilə ticarətin payı bir il əvvəlki 6,63 faizlə müqayisədə 8,35 faiz təşkil edib.