Azərbaycanın voleybol millisi Belçikaya məğlub oldu

20:57

Azərbaycan millisi Bakıda təşkil olunan voleybol üzrə Avropa çempionatının C qrupunda ilk məğlubiyyətini alıb.

Faiq Qarayevin baş məşqçisi olduğu komanda IV turda Belçika ilə üz-üzə gəlib.

Milli Gimnastika Arenasındakı qarşılaşma rəqibin qələbəsi ilə yekunlaşıb - 3:0 (25:19, 25:22, 25:23)

Azərbaycan millisi 8 xalla qrupda 3-cü pillədə qərarlaşıb. Belçika 11 xalla 1-ci, 8 xalı olan Niderland üçüncü sıradadır. Portuqaliyanın 3, Rumıniyanın 2, İspaniyanın 1 xalı var.

Xatırladaq ki, C qrupunun qarşılaşmaları avqustun 28-dək Bakıda təşkil olunacaq.

***

10:42

Qadın voleybolçulardan ibarət Azərbaycan millisi Bakının da ev sahibliyi etdiyi Avropa çempionatının C qrupunda bu gün növbəti oyununu keçirəcək.

Faiq Qarayevin baş məşqçisi olduğu kollektiv qrup mərhələsinin V turunda Belçika ilə qarşılaşacaq. Milli Gimnastika Arenasında keçiriləcək görüş saat 18:30-da başlayacaq.

Günün digər matçında İspaniya və Portuqaliya komandaları üz-üzə gələcəklər. Bu qarşılaşma saat 15:30-da start götürəcək.

Üç oyundan sonra Azərbaycan millisi 8 xalla C qrupuna başçılıq edir. Yığma daha əvvəl Portuqaliyanı 3:1, İspaniyanı 3:0, Rumıniya 3:2 hesabı ilə üstələyib.