Bayden Trampa qarşı sui-qəsdlə bağlı xalqa müraciət edib
ABŞ Prezidentinin açıqlamaları barədə BBC xəbər verir
![Bayden Trampa qarşı sui-qəsdlə bağlı xalqa müraciət edib](/uploads/images/2024/07/rs/image_750x_6694c1604b390-750-1080-resize.webp)
ABŞ Prezidenti Co Bayden Ağ Evin keçmiş rəhbəri və Respublikaçılar Partiyasından prezidentliyə namizəd Donald Trampa qarşı sui-qəsd cəhdi ilə bağlı Amerika xalqına müraciət edib. Prezident Oval Ofisdə yazdığı bəyanatda amerikalıları siyasətdə zorakılıqdan əl çəkməyə çağırıb. ABŞ Prezidentinin açıqlamaları barədə BBC xəbər verir.
Təxminən yeddi dəqiqə davam edən müraciətdə Bayden "Siyasətimizdə temperaturu aşağı salmalıyıq" deyib. "Biz bu cür zorakılığın normaya çevrilməsinə icazə verə bilmərik. Ölkəmizdə siyasi ritorika çox qızışıb. Onu sərinlətmək vaxtıdır. Bunu etmək bizim hamımızın borcudur”.
Bayden deyib ki, siyasət "dinc müzakirələr meydanı" olmalıdır və zorakılıq heç vaxt cavab vermir. Siyasi mübarizə “heç vaxt əsl döyüş meydanına və Allah eləməsin, qətl meydanına çevrilməməlidir”, - deyə prezident əlavə edib.