ANSTV
ANSÇM
Bir qrup alpinist Çingiz Mustafayev zirvəsinə qalxıb
Bu gün Milli Qəhrəmanın 65 yaşı tamam olur
1 dəqiqədən az
Bir qrup alpinist, o cümlədən ANS-in əməkdaşı olmuş Vəfa Şəhlayi Çingiz Mustafayev zirvəsinə qalxıb.
Bu barədə jurnalist Vəfa Şəhlayi "Facebook"dakı səhifəsində yazıb:
"#ÇingizMustafayev zirvəsi - 4062 metr. 29 avqustda Çingiz Mustafayevin 65 illiyidir. Keçən il hava pisləşdiyinə görə Tufandan Çingizə keçə bilməmişdik. Bu ilə qismət imiş. Allah bütün şəhidlərə rəhmət eləsin! #ÇingizMustafayev65".
Məlumat üçün deyək ki, Çingiz Mustafayev zirvəsi Azərbaycanın şimalında, Böyük Qafqaz dağları, Tufan dağ silsiləsindəki yeddi zirvədən biridir. 4062,8 metr hündürlükdə yerləşir. Zirvə ilk dəfə 2000-ci ildə fəth olunub. Zirvədə Çingiz Mustaayevin adını daşıyan lövhə var.
Qeyd edək ki, Milli Qəhrəman Çingiz Mustafayevin bu gün 65 illiyidir.
