Biz İrana Hörmuz boğazını bağlamağa icazə verməyəcəyik

ABŞ Dövlət Katibi Marko Rubio bildirib ki, ABŞ Prezidenti Donald Trampın İranın Hörmüz boğazını blokada etməsi ilə bağlı variantları var.

Dövlət Katibi ABŞ-ın hərbi taktikalarını müzakirə etməsə də, məqsədə "aylar deyil, həftələr ərzində" nail olunacağına əminlik verib.

Marko Rubio İran rəhbərliyi haqqında: Bu insanlar dəlidirlər.

"Onlar dəlidirlər. Onlar dini fanatiklərdir. İran Hörmüz boğazında hansısa bir sistem qurmaqla hədələyir və orada bu beynəlxalq su yolundan kimin keçə biləcəyinə qərar verəcəklər. Biz buna icazə verməyəcəyik", - Rubio ABC-də bildirib.

Dövlət Katibi vurğulayıb ki, neft daşımalarının əhəmiyyətli bir hissəsi üçün bu marşrutdan asılı olan ölkələr İranın təhdidlərinə ilk diqqət yetirməlidirlər. "Prezidentin bir neçə variantı var. Hərbi Nazirliyi bu və yarana biləcək digər gözlənilməz halları həll etmək üçün Prezidentə variant hazırlayır", - ABŞ Dövlət Katibi bildirib.

Fars körfəzini Oman dənizi ilə birləşdirən Hörmüz boğazı dünyanın neft və mayeləşdirilmiş təbii qaz daşımalarının təxminən beşdə birindən məsuldur. Martın əvvəlində ABŞ-İsrail əməliyyatına cavab olaraq, İran İnqilab Keşikçiləri kanalın nəzarətini ələ keçirdiyini elan etdi və ABŞ və ya İsraillə əlaqəli hər hansı bir tankerə hücum etməklə hədələdi. 30 martda İran parlamenti kommersiya gəmilərinin Hörmüz boğazından keçməsi üçün rüsum ödəməsini tələb edən yeni qanunun hazırlandığını elan etdi.