Blinken Kuleba ilə Kiyevdəki "McDonald's"da yemək yeyib

Blinken qızardılmış kartof, Kuleba isə albalı piroqu sifariş edib VİDEO

Oxuma müddəti:

0 dəqiqə

ABŞ dövlət katibi Antoni Blinken Ukraynanın xarici işlər naziri Dmitri Kuleba ilə Kiyevdə "McDonald's" restoranında olublar.

Hər iki ölkənin baş diplomatları birgə qəlyanaltı ediblər.

Blinken qızardılmış kartof, Kuleba isə albalı piroqu sifariş edib.

Söhbət zamanı ukraynalı nazir "McDonald's" haqqındakı xatirələrini Blinkenə danışıb.

"Mən tələbə olanda spirtli içkidən sonrakı anlaqsız vəziyyətimdə səhər yeməklərimi "McDonald's" restoranlarında yeyirdim. Təbii ki, bu nadir hallarda baş verirdi. Bir dəfə ikiqat çizburger, böyük bir “Coca Cola” aldım. Bu mənim spirtli içkidən sonrakı anlaqsız vəziyyətimdəki ən yaxşı səhər yeməyi idi", - deyə Kuleba bildirib.

Dövlət katibi onun bu sözlərinə gülümsəyərək bildirib ki, onda heç vaxt belə bir şey olmayıb.