ANS Press
ANSTV
ANSÇM
1 dəqiqədən az
BP Azərbaycandan Avropaya qazın tədarük edildiyi əsas Trans-Adriatik Qaz Boru Kəmərində 20 %-lik paya sahib olan törəmə şirkəti "BP Pipelines"ın TAP-dakı qeyri-nəzarət payını qlobal aktiv fondu olan "Apollo"ya 1 milyard ABŞ dollara satmağa razılaşıb.
Digər səhmdarlar, hər biri 20%-lik payla Azərbaycanın SOCAR, İtaliyanın "Snam" (SRG.MI) şirkəti, Belçikada yerləşən "Fluxys" (FLUX.BR) və İspaniyanın "Enagas" (ENAG.MC) şirkətidir.
Bu barədə "Reuters" xəbər verir.
Trans-Adriatik Boru Kəməri (TAP) Yunanıstanın Türkiyə ilə sərhədindən Cənubi İtaliyaya təbii qaz nəqli infrastrukturunu idarə edir.
Trans Adriatic Pipeline AG Cənub Qaz Dəhlizi boru kəməri sisteminin 880 kilometrlik yekun hissəsidir - Xəzər dənizindən Avropaya qədər uzanan 3500 kilometrlik şəbəkədir. O, Xəzər dənizinin Azərbaycan sektorunda BP-nin idarə etdiyi "Şahdəniz" qaz yatağından təbii qazı Yunanıstan və İtaliya kimi Avropa bazarlarına nəql edir.
