Azərbaycan üzərindən Ermənistana Rusiya buğdası gedib

Tədarük "Azərbaycan Dəmir Yolları" QSC-nin Biləcəri stansiyasından həyata keçirilib YENİLƏNİB

Oxuma müddəti:

1 dəqiqə

17:40

Rusiyadan Ermənistana Azərbaycandan tranzit keçməklə növbəti tədarük həyata keçirilib.

26 vaqondan ibarət, çəkisi 1820 ton olan buğda bu gün Biləcəri stansiyasından Böyük Kəsik istiqamətinə göndərilib.

***

15:12

Bu gün Rusiyadan Ermənistana Azərbaycandan tranzit keçməklə növbəti tədarük həyata keçiriləcək.

Azərbaycandan tranzit keçməklə Rusiyadan Ermənistana ümumi çəkisi 1 820 ton olan 26 vaqon buğda göndəriləcək.

Tədarük "Azərbaycan Dəmir Yolları" QSC-nin Biləcəri stansiyasından həyata keçiriləcək.

İndiyə qədər Rusiyadan Ermənistana Azərbaycandan tranzit keçməklə 43 min tona yaxın taxıl, 9 min tona yaxın gübrə, 1136 ton propan, 133 ton alüminium, 1114 ton kömür və 67 ton taxta göndərilib.

Eyni zamanda, indiyədək Azərbaycandan Ermənistana 15 min tona yaxın dizel, 5 min tona yaxın Aİ-92 və Aİ-95 benzini ixrac olunub.